Klediani, i verbëri i parë që diplomohet në Parma për Shkenca Kompjuterike: I bindur që do ja dilja, për veten dhe familjen

Kledian Leka nga Lushnja që jeton në Itali, është regjistruar si i verbëri i parë që është diplomuar në Parma, për Shkenca Kompjuterike.

Në një intervistë për programin e mëngjesit “Zgjohu me MCN’, Leka, shprehu bindjen që në krye të herës që do ja dilte.

Dhe atë jo dosido, por me rezultate të larta në këtë fakultet.

Jam personi i parë i diplomuar në tërë historinë e Fakultetit të Shkencave Kompjuterike në Parma të Italisë. Këtë në fakt nuk e dija, por gjatë rrugëtimit tim, e mora vesh nga profesorët, që ka pasur edhe të gjerë të verbër në fakultet por që u është dashur ta ndërpresin shkollimin.

Jam i lumtur për veten time në radhë të parë, që ja dola, por në anën tjetër më vinte keq që të tjerë e kanë ndërprerë.

Edhe familja është ndjerë krenar për mua, por ata nuk kanë pasur ndikim sepse unë që në fillim kur bëra regjistrimin e dija që do ja dilja me rezultate shumë të larta.

Në fakt nuk kam pasur frikë por kam pasur objektiv diplomimin sepse unë në vitin 2020 jam diplomuar si ekspert i IT nga studimet e mia  pesë vjeçare dhe normalisht vijimi neutral pas diplomës ishte fusha e shkencave kompjuterike.

Sot jam jap mësim studentëve dhe krahas gjendjes që kam nuk më pengon aspak në rrugën time.