BE thirri kryediplomatin rus në Bruksel këtë të hënë si një veprim i koordinuar me vendet anëtare për të dënuar dhe hedhur poshtë “aneksimin e paligjshëm” të një pjese të territorit ukrainas.
Ky është një veprim i gjerë i BE-së dhe i koordinuar nga BE .
Kështu tha për AFP Peter Stano, zëdhënësi i çështjeve të jashtme të bllokut.
Vendet e BE-së filluan të thërrasin diplomatët rusë të premten pasi presidenti Vladimir Putin nënshkroi aneksimin e katër rajoneve të Ukrainës të pushtuara nga trupat e tij që nga pushtimi i shkurtit.
Belgjika thirri të premten ambasadorin rus. Italia dhe Austria bënë të njëjtën gjë të hënën.
Udhëheqësit e BE-së kanë këmbëngulur se ata nuk do ta njohin kurrë këtë aneksim të paligjshëm të udhëhequr nga Moska dhe të 27-të vendet po finalizojnë sanksionet e reja.
Diplomatët e BE-së po përpiqen të kapërcejnë kundërshtimet nga disa shtete anëtare, duke përfshirë Hungarinë dhe Greqinë, për një kufi mbi çmimin e naftës ruse të shitur në mbarë botën. BE ka vendosur tashmë shtatë valë sanksionesh të paprecedentë ndaj Rusisë. Ajo siguron miliarda euro ndihmë ushtarake për Ukrainën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
