Plagosi të riun në Fier, policia kap autorin me dy pistoleta në banesë

Policia e Fierit ka arrestuar brenda pak orëve autorin e plagosjes me armë zjarri të një 19-vjeçari në Fier.

Policia bën me dije se ka arrestuar shtetasin E.H, në banesën e të cilit janë gjetur dy armë zjarri Pistoletë dhe municion luftarak.

Sipas bluve të qytetit të Fierit 19-vjeçari Renato Gjoka u plagos me armë zjarri në këmbë teksa ishte i shoqëruar edhe nga e fejuara e tij.

Në cilësinë e provës materiale janë gjetur dhe sekuestruar 2 pistoleta dhe një sasi fishekësh.

Gjithashtu janë shoqëruar edhe 3 shtetas të tjerë të cilët kanë dijeni për ngjarjen dhe po punohet për sqarimin e rrethanave  dhe zbardhjen e plotë të saj.