Protestuesit “Jelekët e verdhë” u përplasën me policinë në Tuluzë, ndërkohë që presidenti Emmanuel Macron po përgatit një seri shpalljesh të kërkuara për mbylljen e 22 javëve protesta.

Policia në jugperëndim të Francës përdori gaz lotsjellës dhe arrestoi disa persona, pasi qindra vetë filluan të hidhnin objekte, digjën kazanë plehrash dhe u përpoqën të hynin në ambiente të ndaluara për protestuesit.

Thuajse 2,000 protestues u mblodhën në Allee Jean Jaures, bulevardin në qendër të qytetit si dhe në rrugët pranë tij.  

Marshimet në Paris dhe vende të tjera qenë mjaft të paqta, megjithatë protestat vazhdojnë për të ushtruar presion mbi Macron-in. Ai ka premtuar se do të marrë një sërë masash për të ulur pakënaqësinë në vend.

Macron-i do ta paraqesë listën e masave që do të ndërmarrë, javën e ardhshme.