Kryeministri Edi Rama nisi sot konsultimet publike për rikthimin e basteve sportive online, katër vite pas operacionit “Fundi i marrëzisë” që mbylli loto-sportet dhe pikat e basteve në vend.
Prezent në këtë diskutim janë edhe Presidenti i Federatës Shqiptare të Futbollit Armand Duka, ai i Komiteti Olimpik Shqiptar, Fidel Ylli, i cili ka qenë pro rihapjes, si edhe përfaqësues edhe Federata Olimpike, Ministria e Financave, Ministria e Arsimit dhe Këshilli i Lartë i sportit.
Por kjo nismë është kundërshtuar nga opozita.
Në fjalën e tij, kryeministri Rama teksa u ndal te akti i mbylljes së lojërave të fatit disa vite më parë, e quajti një vendim të drejtë.
Kryeministri i Shqipërisë, Edi Rama, është absolutisht i palëkundur në vendimin e Qeverisë së tij gjatë mandatit të parë, për të mbyllur bastet dhe lojërat e fatit në gjithë vendin.
Megjithatë, ai u shpreh të jetë i hapur të dëgjojë të gjitha anët e medaljes dhe për këtë arsye, ka thirrur në një dëgjesë publike aktorët e sportit në vend.
Kjo ftesë për ta bërë këtë dëgjesë publike është rezultat i një presioni pozitiv që publikisht kanë kërkuar të konsiderojnë rikthimin e basteve sportive. Ne natyrisht që e kemi ndjekur këtë debat që keni hapur, Ministria e Arsimit dhe Sportit e ka bërë komunikimin me ju për të dëgjuar nga afër shqetësimet nga afër. Kemi një kontekst, i cili duhet kuptuar dhe për të cilin duhet të them dy fjalë.
Ne vendosëm të ndalojmë krejtësisht loijërat e fatit duke pasur parasysh një situatë dramatike.
Ishte një pafundësi sallash me binfo e makinaeta, ekrane, baste, ishin një shqetësim i madh. Ishin ngjarje që u katandisën deri në tragjedi. Ne besojmë që ka qenë një vendim i drejtë dhe i duhur.
Ishte një debat me pro dhe kundra ndaj nesh ishte një debat edhe me partnerët që ne e bëmë këtë vendimmarrje na këshillonin që këtë pjesë që ta konsideronim si vendimmarrje jashtë të përgjithshmes. Por, situata në atë moment ishte e tillë.
Dhe, kjo periudhë kohe na ka dhënë mundësi të shohim të dyja anët e medaljes, anët pozitivë dhe negativë, lulëzimit të këtij aktiviteti online në të zeze. Ku policia e shtetit, bahskë me ne dhe zv drejtori policisë së shtetit i cili në detyrën e mëparshme ka mbuluar edhe këtë pjesë. Një përpjekje që ka pasur rezltate dhe vështirësitë e veta. Sot, jam i gatshëm të bëjmë këtë diskutim publik dhe, brenda nesh kemi diskutimin tonë, ministrja ka tendencën të jetë në krahun tuaj sepse të ardhurat do të ishin të konsiderueshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
