Një gjykatë franceze i ka dorëzuar një gruaje dënimin gjashtëmujor, pasi refuzoi kërkesën e policit për të hequr veshjen e saj burka. Ky vendim ka shkaktuar zemërim në komunitetin mysliman francez.
Dënimi vjen pas arrestimit dramatik të gruas në qytetin jugor të Tuluzës muajin e kaluar pasi u ndalua nga policia për veshjen e saj, e cila është e paligjshme në Francë.
Ajo thuhet se ka treguar një fotokopje të cilësisë së dobët të kartës së identitetit dhe nuk pranoi të heqë velin e saj për t'i lejuar oficerët t'i shihnin fytyrën. Pas përpjekjeve të shumta për ta hequr atë, gruaja filloi të bërtiste për ndihmë.
Gruaja u arrestua dhe u fut në një automjet të policisë. Zyrtarët e policisë u përballën pastaj me një grup prej rreth 30 personash. Zyrtarët u përpoqën të largonin turmën duke përdorur gaz lotsjellës dhe duke gjuajtur me armët e tyre. Ky incident ka qenë shkaku i trazirave në qytet me më shumë se një grup makinash të djegura gjatë dy netëve trazira.
Gruas 37-vjeçare i është dorëzuar dënimi gjashtëmujor, por ia ulën me tre muaj nga Gjykata Penale e Toulouse të enjten, njofton FranceInfo.
Ajo u ndoq penalisht për shpërfillje, rebelim dhe për kërcënime me vdekje kundër policisë. Asaj iu dha gjithashtu një gjobë prej 100 € dhe 1 000 € dëmshpërblim për t'u ndarë mes dy oficerëve të policisë.
Pas ndalimit të saj, gruaja hodhi poshtë versionin e policisë, duke thënë se oficerët e fyen atë. Ajo gjithashtu mohoi të mbante niqab, sipas raporteve të mëparshme.
Dënimi ka provokuar zemërim mes bashkësisë myslimane franceze. Faqja e "Facebook" Islam & Info, e cila ka mbi 400 000 miq, ka postuar një deklaratë që dënon vendimin. "Padrejtësia islamofobike është në të gjitha nivelet në Francë. Allahu e mbron atë dhe e lehtëson atë", thuhet në reagimin e Islam & Info.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
