Krijesë misterioze në Oqeanin Indian

Në thellësi të Oqeanit Indian është pikasur një krijesë misterioze, e cila sipas zhytësve është një lloj kandili deti i panjohur më parë.

Zhytësi Victor Vescovo beson se vendi në të cilën u gjet krijesa e rrallë është pika më e thellë e Oqeanit Indian. Ky ishte në një udhëtim nënujor, pjesë e filmimeve që po bëhen prej Discovery Channel.

Skuadra e zhytësve e ka përshkruar krijesën si një “kafshë xhelatinoze të jashtëzakonshme” që nuk ngjan me asgjë të njohur më parë.

Alan Jamieson, udhëheqësi shkencor i ekspeditës ka takuar disa shkencëtarë japonezë, të cilët gjithashtu kanë hasur në diçka të ngjashme, dhe që të dyja palët kanë rënë dakord që bëhet fjalë për një specie të panjohur.