Vrau shtatë foshnja teksa ishte në detyrë, burg përjetë për infermieren britanike

<p>Lucy Letby, infermierja britanike, e akuzuar për vrasjen e shtatë foshnjave dhe tentativën për të vrarë gjashtë të tjera, është dënuar me burgim të përjetshëm.</p> <p><a href="https://edition.cnn.com/2023/08/21/uk/lucy-letby-nurse-sentence-intl-gbr/index.html">33- vjeçarja</a>, kreu aktet kriminale mbi të porsalindurit midis vitit 2015 dhe 2016 duke i helmuar ata me insulinë ndërsa punonte si infermiere në njësinë neonatale të Spitalit Kontesha e Chester në Anglinë veriore.</p> <p>Duke dënuar veprimet e saj në Gjykatën e Kurorës së Mançesterit, gjyqtari Justice Gross i komentoj veprimet e saj ç’njerëzore, krejtësisht në kundërshtim me instinktet normale njerëzore të edukimit dhe kujdesit për foshnjat.</p> <p>Ndërsa vetë infermierja Letby refuzoi të paraqitej në gjykatë, familjarët e viktimave ishin të pranishme.</p> <blockquote> <p>Lucy ka shkatërruar jetën tonë. Zemërimi dhe urrejtja që kemi ndaj saj nuk do të largohen kurrë. Na ka shkatërruar emocionalisht si familje.</p> </blockquote> <p>Gazetarët e pranishëm në gjykatë e cilësuan seancën dëgjimore si “të tmerrshme” në rrjetet sociale, ndërsa familjarët e foshnjave të vrara nga infermierja sipas psikologëve me të cilët po trajtohen, janë ende në gjendje shoku.</p>