Një 28-vjeçar ka rënë në prangat e Policisë së Lezhës, pasi dyshohet se tentoi të vriste nënën e bashkëjetueses së tij duke e goditur me automjet.
Ngjarja ka ndodhur rreth orës 02:05, në lagjen “Skënderbeg” në Lezhë, 28-vjeçari kishte shkuar me automjet për të marrë bashkëjetuesen e tij. Në atë moment kanë dalë familjarët e saj dhe, për motive që lidhen me marrëdhëniet familjare, ai dyshohet se ka përplasur me automjet nënën e bashkëjetueses, shtetasen K. H., 43 vjeçe, duke i shkaktuar dëmtime trupore, e më pas është larguar nga vendi i ngjarjes.
“Specialistët për Hetimin e Krimeve ndaj Personit në DVP Lezhë, në bashkëpunim me specialistët e Komisariatit të Policisë Lezhë dhe Forcën e Posaçme “Shqiponja”, finalizuan operacionin policor të koduar “Reagimi”, në kuadër të të cilit u arrestua në flagrancë shtetasi C. B., 28 vjeç, banues në Tiranë.”
Autori i dyshuar u kap dhe u vu në pranga për veprën penale "Vrasja për shkak të marrëdhënieve familjare", mbetur në tentativë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
