Qeveria po mbyll pakon e madhe në mbështetje të 1 milionë individëve, për të lehtësuar ndjeshëm daljen e familjeve shqiptare nga ky dimër i ngarkuar, duke zeruar efektin e inflacionit të luftës mbi konsumin bazë për pensionistët, familjet në ndihmë ekonomike, posaçërisht nënat kryefamiljare në skemën e ndihmës ekonomike, paraplegjikët, tetraplegjikët, personat me aftësi të kufizuara, invalidët e punës, po edhe për punonjësit e shtetit - duke dhënë më shumë për ata që fitojnë më pak, por pa lënë askënd pa mbështetje.
Një mesazh i tillë vjen nga Kryeministri Edi Rama, njofton se “Pakoja e Madhe”, e cila parashihet mbi 8 miliardë lekë në dorë për të gjithë individët e përfshirë si shtresa në nevojë, do të mbyllet brenda ditës së sotme dhe do të shpërndahet e gjitha në ditët e para të janarit.
Rama thotë se kjo është qeveria e shumicës, jo e disave.
Faktet e shifrat thonë se volumi i mbështetjes financiare të atyre që fitojnë më pak apo të shtresave në nevojë, në vitet e qeverisjes socialiste, pa llogaritur fondet masive të Rindërtimit pas tërmetit apo të luftës me pandeminë, është disafish më i lartë se sa në tërë qeveritë e mëparshme të marra së bashku.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
