Për të analizuar zhvillimet e fundit politike në PD pas humbjeve në zgjedhjet vendore në gjashtë bashki, në emisionin "Të Paekspozuarit", në MCN TV, e ftuara e parë, ish-nënkryetarja e PD-së, Jozefina Topalli u shpreh se Lulzim Basha, dhe grupi i tij është në asgjësim e sipër.
Sipas Topallit, këto zgjedhje treguan se Basha ishte një eksperiment politik i dështuar.
Unë them se grupi i Lulzimit s’ka asgjë demokratike në atë grup. Grupi i tij, në fakt është në asgjësim e sipër sepse edhe aq vota sa ka marrë në këto zgjedhje, i ka marrë për shkak të dy germave të PD, dhe për siglën.
Pra këto zgjedhje treguan që kjo nuk është partia e Bashës, se nuk ka asnjë kredibilitet ndonjëherë, dhe se s’ka qenë ndonjëherë kryetar i PD-së, dhe se ka qenë një eksperiment politik i dështuar me kosto të rëndë për vendin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
