Të paktën dy të burgosur humbën jetën dhe gjashtë të tjerë u plagosën pasi të burgosurit i vunë zjarrin një qelie burgu në Comcar, Uruguai.
Kjo është bërë e ditur mbrëmjen e së premtes nga Ministria e Brendshme e Uruguait, cituar nga mediat lokale.
Drejtori i Institutit Kombëtar të Rehabilitimit (INR), Luis Mendoza, tha se ishte një incident sporadik dhe “jo një trazirë”.
Trupat e viktimave u gjetën në një qeli ku ndodheshin tetë të burgosur. Katër nga të plagosurit janë dërguar në spital me djegie të rënda.
Comcar pret rreth 4900 të burgosur, pothuajse një e treta e popullsisë së burgjeve të vendit të Amerikës së Jugut.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
