Polica ka sekuestruar në Portin e Durrësit rreth 5 kg lëndë narkotike e llojit heroinë.
Sipas informacioneve të para, droga ishte e ndarë në 5 pako dhe në pranga përfundoi një 26-vjeçar, i cili kishte tentuar të largohej nga vendi i ngjarjes.
26-vjeçari Berald Ismaili u zbulua nga efektivët kufitarë gjatë kontrollit fizik, teksa kishte fshehur nën rroba rreth 5 kilogramë heroinë.
Ai e kishte fshehur drogën poshtë bluzës ku e kishte siguruar me ngjitës që mos t’i binte.
Ndërkohë djali ka shfrytëzuar edhe pantallonat xhins, duke vendosur heroinën në pjesët e grisura të xhinsit, ku sërish e kishte siguruar me ngjitës.
I riu do të udhëtonte drejt Barit me traget dhe e kishte të fshehur lëndën në trupin e tij.
Ndërkohë policia po punon për zbardhjen e plotë të ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
