Forcat e Armatosura izraelite (IDF) kanë pranuar zyrtarisht operacionin e tankeve brenda Rripit të Gazës duke publikuar një video e cila tregon tanket që lëvizin në territorin palestinez.
Postimi i Forcave të Mbrojtjes të Izraelit në platformën X (ish Twitter) vuri në dukje se operacioni u zhvillua në përgatitje për fazat e ardhshme të të luftimit pas sulmit të tmerrshëm më 7 tetor në Izrael nga Hamasi, i cili kontrollon Rripin e Gazës.
IDF thotë se qelizat terroriste dhe vendet e lëshimit të raketave antitank u goditën, së bashku me pjesën tjetër të infrastrukturës.
Të gjithë ushtarët aktualisht janë tërhequr nga zona dhe janë kthyer në territorin izraelit.
Ministria izraelite e Mbrojtjes thuhet se ka ndërmend të zgjasë deri më 31 dhjetor masat që përfshijnë evakuimin e popullsisë nga vendet përgjatë kufirit me Gazën dhe Libanin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
