Fluksi i krijuar i emigrantëve në portin e Durrësit ka rikthyer lundrimet e dyfishta. Këtë herë fluksi është shënuar në dalje, pasi po largohen ata që kishin zgjedhur t'i kalonin festat e fundvitit në Shqipëri.
Megjithëse pohojnë se janë çmallur me të afërmit dhe kanë kaluar ditë të bukura festive, si emigrantët, ashtu edhe turistët thonë ndër të tjera se i kanë bërë përshtypje çmimet e larta.
Sipas tyre është e vështirë të përballohet jetesa me këtë shtrenjtësi. Ndërsa, nëse rritja e çmimeve do të vazhdojë me këtë ritëm do të bëhet pengesë për t'u rikthyer përsëri dhe Shqipërinë brenda pak vitesh nuk do ta vizitojë më askush.
Ndërkohë për përpunimit e pasagjerëve dhe automjeteve në portin e Durrësit po punohet me 22 sportele.
Rreth 5 mijë udhëtarë dhe 1 mijë automjete do të dalin nga pika kufitare më e madhe në vend këtë të enjte, ndërsa pritet intensifikim i fluksit në ditët në vijim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
