Dy ditë pas grabitjes së një marketi në Kamëz, që përfundoi me vrasjen e pronarit dhe plagosjen e bashkëshortes së tij, janë vënë në pranga autorët e ngjarjes. Policia e Tiranës konfimroi sot në mesditë se pas hetimeve janë vënë në pranga Vladimir Kurti, 28 vjeç, dhe Ruzhdi Hodo, 25 vjeç, të dy banues në Tiranë.
Sipas policisë, vrasja dhe plagosja janë kryer nga Vladimir Kurti.
Agim Buci, 52 vjeç, u vra, ndërsa bashkëshortja e tij, Merita Buci, 44 vjeçe, u plagos gjatë grabitjes së marketit të tyre në rrugën "OSBE" në Kamëz, mbrëmjen e së mërkurës.
Pronari 52 vjeçar i dyqanit, baba i tri vajzave dhe një djali, u qëllua në gjoks dhe humbi jetën pak minuta pasi mbërriti në spital ndërsa gruaja u plagos në këmbën e majtë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
