Rihanna dhe A$AP Rocky u martuan në videoklipin e tij të ri, "DMB", i cili u publikua të enjten.
Në videoklip, reperi, 33 vjeçar, i propozon këngëtares 34 vjeçare, me shkrimin e vendosur në dhëmbë që shkruan: "A dëshiron të martohesh me mua?"
Rihanna – e cila shfaqet e veshur me një vello të kuqe – përgjigjet gjithashtu në të njëjtën mënyrë me: “Po”.
Në fund të videos, një grup njerëzish mund të shihet duke hedhur petale lulesh drejt çiftit, gjë që të kujton të sapomartuarit që ecin nëpër korridor pas martesës.
Është e paqartë nëse videoklipi është thjesht shprehje artistike apo reale.
Rihanna dhe Rocky nuk kanë bërë të ditur nëse janë martuar në jetën reale.
Megjithatë, video duket se është xhiruar gati një vit më parë.
Këngëtarja e "Diamonds" - e cila aktualisht është shtatzënë me fëmijën e parë të çiftit - nuk është shtatzënë në asnjë nga skenat e videoklipit, dhe ajo dhe Rocky gjithashtu kanë veshur të njëjtat veshje që kishin veshur gjatë një xhirimi në Bronx në korrik 2021.
Në shkurt, Rihanna nxiti spekulime se ajo ishte e fejuar pasi u pa duke mbajtur një unazë diamanti në dorën e majtë ndërsa bënte pazar.
Kur u pyet për të, ajo u tregua e turpshme, duke u thënë paparacëve në Los Anxhelos: “Kjo unazë është e vjetër. Po silleni sikur nuk e keni parë kurrë këtë unazë.”
Fëmija i çiftit pritet të vijë në jetë këto ditë, ndërsa këngëtarja së fundmi organizoi një festë për shtatzëninë. Rocky dhe Rihanna janë në lidhje që nga fillimi i vitit 2020.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
