Një shqiptar ka tentuar të shtypë me makinë pronarin e tij në Itali. Ngjarja ka ndodhur në Pistoia, ku punëdhënësi e ka gjetur 49-vjeçarin Nikolin Gjeta teksa përdorte mjetet e kompanisë për të pastruar një sipërfaqe toke private.
Pasi i ka kërkuar llogari për këtë fakt, mes pronarit, i cili shoqërohej nga i biri dhe punëmarrësit shqiptar ka nisur një sherr. Gjeka i ka përplasur të dy me makinë dhe ka tentuar ta përsërisë veprimin, por atë e bir janë larguar në kohë, edhe pse kishin marrë lëndime në trup.
Pak orë më vonë, policia ka arrestuar shqiptarin për tentativë vrasjeje në dëm të 60-vjeçarit Antonio Orlandini dhe plagosjen e djalit të tij 39 vjeç. Në pritje për të dalë para gjykatës, 49-vjeçari shqiptar ndodhet në arrest shtëpie.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
