Një 25-vjeçar ndërroi jetë në spital pasi u hodh nga kati i tretë i banesës së tij në Tiranë. Ngjarja ndodhi mbrëmjen e së shtunës, rreth orës 22:05, në rrugën “Nasi Pablo”.
I riu 25-vjeçar me inicialet B.S., pas sherrit me të atin, është hedhur nga kati i tretë i banesës. Për shkak të plagëve të rënda, ai ndërroi jetë paraditen e sotme.
Sipas të dhënave të para, 25-vjeçari ka pasur me prindërit, E.S., rreth 60 vjeç dhe e ëma, A.S., rreth 53 vjeç, një sherr gjatë të cilit i ka qëlluar ata me mjet prerës.
Dyshohet se 25-vjeçari ka goditur babain dhe nënën me thikë e më pas është vetëhedhur nga kati i tretë i banesës.
Po punohet për sqarimin e plotë të rrethanave dhe shkaqeve të ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
