Gjoba për të "pabindurit", policia ndëshkon 627 qytetarë dhe dy biznese

Policia e Shtetit ka gjobitur 627 qytetarë dhe 2 biznese të cilët nuk kanë respektuar rregullat anti-covid për të parandaluar përhapjen e virusit.

Në njoftimin zyrtar të policisë shkruhet se është vendosur masa administrative për 627 qytetarë të cilët nuk kanë mbajtur maskat në ambiente të hapura dhe të mbyllura me një gjobë prej 3000 lekësh.

Si pasojë e kontrolleve të bëra nga policia gjatë 24 orëve të fundit mësohet janë gjobitur edhe dy lokale të cilët nuk kanë respektuar protokollet e sigurisë anti-covid.

Janë shoqëruar gjithashtu në komisariat 10 qytetarë të cilët kanë refuzuar të tregojnë mjetin e identifikimit.

Forcat e policisë po vijojnë operacionin e tyre për për të monitoruar respektimin e masave anti-covid krahas detyrave të tjera për ruajtjen e rendit dhe parandalimin e grupeve kriminale.