Opozita ka paralajmëruar për ditën e nesërme protestën më të madhe, sipas tyre të organizuar deri më tani. Kryetari i PD-së, Lulzim Basha, ka ftuar qytetarët nga të gjitha qytetet e Shqipërisë, për protestën e tretë kombëtare në Tiranë. Degët e PD dhe LSI në rrethe kanë organizuar mbështetësit, të cilët do të udhëtojnë prej qyteteve të tyre për tu bashkuar në kryeqytet në orën 18:30, kohë kur dhe pritet të nisë tubimi para Kryeministrisë.
Ndërkohë mësohet se Policia ka angazhuar mbi 1200 efektivë që do të jenë në gatishmëri si para godinës së Kryeministrisë ashtu dhe pranë institucioneve të tjera shtetërore.
Në mbështetje të tyre, sikurde edhe në tubimet e kaluara, do të jenë dhe mjetet ujëhedhëse.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
