Në studion e lajmeve të MCN TV, gazetari Robert Papa tha se me nismën Ballkani i Hapur, kryeministri Rama po tregon vasalitetin e partisë së tij ndaj pasuesve të Jugosllavisë së dikurshme. Të mërkurën, në Ohër mbahet samiti i radhës i “Ballkanit i Hapur”, një nismë që sipas Papës është tërësisht antishqiptare.
Asgjë, vazhdon butaforia e diçkaje që është në dëm të shqiptarëve, krijimi i Jugosllavisë së re. Është një ide e Soros, duhet t’i jepet fund kësaj nisme antishqiptare.
Nuk është hera e parë që ndodhin këto. Kanë ndodhur pas 45-46, kur Jugosllavia vodhi miliona. Çuditërisht vazhdon PS në të njëjtën rrugë dhe Rama është i gatshëm t’i shkojë pas këtij vasaliteti. Duket sa qesharak është nëse marrim parasysh deklaratën e Lavrov që tha se Open Ballkan është projekt i Moskës. Është veprim në dëm të interesave shqiptare. Krimet serbe kanë qenë skajore ndaj një pjese të shqiptarëve, Vuçiç ka qenë në krah të Millosheviçit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
