Drejtori i CIA-s amerikane ka zhvilluar dje një vizitë të papritur në Tiranë. John Brennan është takuar me presidentin Bujar Nishani. Mediat amerikane e kanë pasqyruar këtë vizitë, e cila sipas tyre ka pasur për qëllim diskutimet për terrorizmin dhe çështje të tjera bilaterale dhe ndërkombëtare. Shtypi amerikan i referohet njoftimit të ambasadës në Shqipëri.
“Një deklaratë e ambasadës thotë se Brennan u takua me kreun e qeverisë Edi Rama, Presidentin Nishani, ministrin e Mbrojtjes, Mimi Kodheli, dhe zyrtarë të inteligjencës për të diskutuar mbi sigurinë rajonale, bashkëpunimin kundër terrorizmit si dhe çështje të tjera”, shkruajnë mediat amerikane.
Fox News dhe Washington Post shkruajnë më tej se ShBA dhe Shqipëria kanë intensifikuar lidhjet e tyre kohë e fundit në luftën kundër ekstremizmit të dhunshëm dhe për të ndalar grupet rebele islamike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
