Presidenti gjerman shpërndan Parlamentin, zgjedhjet e reja më 23 shkurt

<p>Presidenti gjerman, Frank-Walter Steinmeier, shpërndau Parlamentin sot dhe konfirmoi datën e pritur të shkurtit për zgjedhjet e përgjithshme të parakohshme pas rënies së qeverisë së Olaf Scholz muajin e kaluar.</p> <p>Koalicioni i Scholz ra për shkak të grindjeve të brendshme mbi mënyrën se si të ringjallet ekonomia më e madhe e Evropës, por një sulm vdekjeprurës me makina në një treg Krishtlindjesh javën e kaluar riaktivizoi debatet e nxehta të vendit mbi sigurinë dhe emigracionin.</p> <p>Duke konfirmuar datën e 23 shkurtit për zgjedhjet, Steinmeier theksoi nevojën për "<em>stabilitet politik</em>" dhe bëri thirrje që fushata "<em>të zhvillohet me respekt dhe mirësjellje</em>".</p> <p> <a href="https://www.fibank.al/individe/kredi/kredi-konsumatore/kredi-konsumatore-premium" target="_blank" rel="noopener noreferrer"> <img alt="Fibank" width="300" height="100" src="https://www.mcntv.al/sites/default/files/fibank8.gif" loading="lazy"> </a> </p> <p>CDU/CSU konservatore kryeson në sondazhe me rreth 32 për qind nën udhëheqjen e saj Friedrich Merz dhe madje edhe para sulmit të javës së kaluar ajo kishte premtuar një linjë më të ashpër për imigracionin, si dhe një ndryshim djathtas në politikën sociale dhe ekonomike.</p> <p>Në vendin e dytë me 19 për qind është Alternativa e ekstremit të djathtë për Gjermaninë (AfD), e cila mbajti atë që e quajti një tubim "përkujtimor" në Magdeburg të hënën.</p> <p>Në këtë ngjarje, kreu rajonal i AfD-së, Jan Wenzel Schmidt tha se Gjermania "<em>nuk mund të pranojë më të çmendur nga e gjithë bota</em>" dhe kërkoi që vendi "<em>të mbyllë kufijtë</em>".</p>