Mars ndryshon mbështjellësen e çokollatës në mbështetje të mjedisit

Çokollatat Mars po marrin një pamje të re ndërsa provojnë një mbështjellëse letre më miqësore me mjedisin në vend të një paketimi plastik.

Prodhuesi i çokollatës tha se mbështjellësi i ri, i disponueshëm në dyqanet Tesco, ishte pjesë e eksplorimit për një të ardhme më të qëndrueshme.

Mars tha se synonte t’i bënte të gjitha paketimet e saj të riciklueshme dhe të ripërdorshme.

Richard Sutherland-Moore, ekspert i paketimit në Mars Wrigley UK, tha se firma po eksploronte ide të ndryshme ambalazhimi për të gjitha ëmbëlsirat e saj.

Ai tha se sfida ishte sigurimi i mbrojtjes së duhur “duke garantuar sigurinë ushqimore, cilësinë dhe integritetin e produktit për të parandaluar prishjen e ushqimit”.

Kompania tha se po investonte qindra milionë paund në qëllimin e saj për të reduktuar përdorimin e plastikës me një të tretën.

Adam Grant, menaxher i përgjithshëm në Mars Wrigley UK, deklaroi se ndryshimi i mbështjellësit të Mars ishte një hap i madh për të parë se si funksionon paketimi me bazë letre në jetën e përditshme.

Nga testi, ne do të nxjerrim njohuri për strategjinë tonë të qëndrueshme të paketimit.