Mimoza Manxhari tha sot nga emisioni “Arnautistan” në MCN TV se shoqëria sot ka dështuar në edukimin e fëmijëve. Sipas saj roli i familjeve është të të krijojnë suport për 18 vite, ndërkohë që theksoi e shqetësuar se prindërit sot nuk merren me fëmijët, por u garantojnë atyre celularin.
“Nëse fëmija im nuk bëhet i mirë është e gjitha përgjegjësi e imja. Studentët dhe fëmijët janë produkt i familjeve të shkatërruara që nuk e ekzekutuan rolin. Roli i familjeve është të të krijojnë suport për 18 vite. Të edukosh një fëmijë dhe ta përgatisësh qytetar është shumë e vështirë dhe shoqëria këtu ka dështuar. Shqetësimi im ky është. Prindërit sot nuk merren me fëmijët, i garantojnë celularin, flasin gjysmë shqip, gjysmë anglisht, ne po shndërrohemi në jo realë”, tha Manxhari.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
