Sekretari i përgjithshëm i Kombeve të Bashkuara, Antonio Guterres ka deklaruar sot lidhur me situatën në Gaza se aty ka një krizë humanitare dhe se enklava palestineze po “kthehet në një varrezë për fëmijët”.
“Qindra vajza dhe djem thuhet se vriten ose plagosen çdo ditë”, u shpreh Guterres në një konferencë shtypi. Ai shtoi se konflikti ka “tronditur botën dhe ka shkatërruar kaq shumë jetë të pafajshme”.
Guterres përsëriti reagimin e tij të ashpër për “aktet e neveritshme të terrorit të kryera nga Hamasi më 7 tetor”, duke thënë se luftëtarët e tij kanë përdorur civilët si “mburoja njerëzore” dhe vazhdojnë të godasin Izraelin.
“Asgjë nuk mund të justifikojë torturimin e qëllimshëm, vrasjen, plagosjen dhe rrëmbimin e civilëve. Mbrojtja e civilëve duhet të jetë parësore,” theksoi ai.
Guterres përfundon duke përsëritur nevojën për një zgjidhje me dy shtete dhe duke bërë thirrje për një armëpushim të menjëhershëm humanitar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
