Një sulm me bomba vetëvrasëse dhe armë zjarri ndaj Parlamentit Iranian është ndër më të përgjakshmit që kanë goditur Teheranin në dhjetë vitet e fundit.
Të paktën 12 persona janë vrarë dhe shumë të tjera janë plagosur në dy sulme të njëkohshme në kryeqytetin Iranian, raportojnë mediat vendase. Shërbimet secrete të Iranit kanë konfirmuar se një sulm i tretë i të njëjtës natyrë është zbuluar para se të vihej në zbatim.
ISIS ka marrë përsipër sulmin me anë të medias së tij, Amaq, por pa bërë publike prova.
Sulmi është shumë i pazakontë në Teheran, deri tani një qytet i sigurt për banorët e tij, ndërsa Irani nuk ka qenë shënjestër e sulmeve të kryera nga pjesëmarrësit në luftën e Sirisë fqinje. / CNN / Gazmira Sokoli /
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
