Zbulohen detaje të reja nga abuzimi seksual i ndodhur në Sarandë, ku babai u denoncua nga e bija 24-vjeçare se kishte kryer marrëdhënie seksuale me të.
Gazetari Arsen Rusta raportoi për edicionin e lajmeve në MCN TV, se Prokuroria Sarandë ka dërguar materialet në gjykatë dhe kërkon masën e sigurisë “arrest me burg” për 57-vjeçarin R.Rr., për veprën penale “Marrëdhënie seksuale ose homoseksuale me persona në gjini ose nën kujdestari”.
Gjithçka pasi vajza e tij 24 vjeçe, ka kallëzuar se 57-vjeçari ka kryer marrëdhënie seksuale me të, në banesën e tyre.
Mësohet se pas dy dekadash babai ka marrë vajzën nga jetimorja rreth një muaj më parë ku e kishte lënë në moshën 4-vjeçare dhe katër ditë më parë ka kryer marrëdhënie seksuale me të.
Denoncimi i vajzës është provuar edhe nga ekspertiza mjeko-ligjore, por edhe 57-vjeçari e ka pranuar si akt.
Ndërkohë po kryhet ekspertiza edhe ndaj babait edhe ndaj vajzës, pasi dyshohet se që të dy kanë probleme psikologjike, ndërkohë që ditën e enjte Gjykata e Sarandës do të vlerësojë masën e sigurisë ndaj 57-vjeçarit.
Gjithashtu po kryhen verifikime nëse jetimorja e Sarandës ka kryer veprimet dhe verifikimet e duhura nëse i ati ishte i aftë mendërisht për ta mbajtur të bijën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
