Shkencëtarët kanë analizuar një meteorit dhe kanë zbuluar se është materiali më i vjetër që ekziston në Tokë.
Ata gjetën kokrra pluhuri brenda shkëmbit hapësinor - i cili ra në Tokë në vitet 1960 – me moshë rreth 7.5 miliardë vjet. Më të vjetrat nga kokrrat e pluhurit janë formuar në yje shumë kohë përpara se të lindte sistemi ynë diellor.
Rezultatet e analizës janë përshkruar në revistën “Proceedings of the National Academy of Science”. Kur yjet vdesin, grimcat e formuara brenda tyre derdhen në hapësirë. Këto "kokrra para-diellore" pastaj bëhen pjesë e yjeve të rinj, planetëve, hënave dhe meteoritëve.
"Ato janë mostra të ngurta të yjeve, pluhur i vërtetë yjesh", tha autori kryesor, Phil Heck, kurator në Muzeun e Çikagos dhe profesor i asociuar në Universitetin e Çikagos.
Një ekip studiuesish nga SHBA-të dhe Zvicra analizuan 40 kokrra para-diellore, pjesë e meteoritit Murchison, i cili ra në Australi në 1969.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
