Një person është vrarë ndërsa dy të tjerë kanë mbetur të plagosur nga të shtënat me armë në qendër të Amsterdamit.
Ngjarja ka ndodhur mbrëmjen e sotme në zonën e Grote Wittenburgerstraat në qendër të kryeqytetit holandez.
Këtë e konfirmoi policia për mediat vendase duek theksuar se në zonën ku ndodhi ngjarja është një numër i madh i shërbimeve emergjente, ndërsa zona është rethuar nga policia për arsye të hetimeve dhe për sigurinë e banorëve.
Ndërsa në njoftimin e saj nëpërmjet "Twitter", policia raporton se nga të shtënat u qëlluan njerëz dhe se vendi i ngjarjes tashmë po hetohet.
Askush nuk është arrestuar ende për ngjarjen e rëndë që krijoi panik në mesin e banorëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
