Gjykata e Beratit ka dhënë sot masat e sigurisë për tre të ndaluarit e dyshuar për hedhjen në treg të 21 tonëve mandarina të ndaluara për treg të kthyer nga Kroacia.
“Arrest me burg” u caktua për grumbulluesin Arben Dyli, fermerin Elton Tafaj dhe inspektorin shtetëror Elson Tahiri.
Arrestimi i tyre u bë pasi nga veprimet hetimore të deritanishme dyshohet se fermeri Elton Tafaj ka shitur te Arben Dyli, administrator i pikës së grumbullimit, një sasi prej rreth 10 tonësh mandarina të cilat me pas subjekti i Arben Dylit i ka eksportuar drejt Kroacisë.
Nga autoritetet kroate janë kryer analizat e nevojshme nga ku ka rezultuar se sasia e mandarinave kishte përmbajtje të lartë te pesticidi “Fosmet”, pesticid ky i dëmshëm për shëndetin dhe i ndaluar për tu përdorur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
