197 persona në Itali kanë vdekur si pasojë e koronavirusit, duke shënuar kështu rritjen më të madhe të viktimave brenda 24 orëve që nga fillimi i epidemisë në vend.
Autoritetet italiane raportuan se 49 njerëz kishin vdekur brenda 24 orëve, ndërsa mbi 4 mijë e 600 raste janë raportuar të prekur në të gjithë vendin.
Italia deri tani është vendi që ka raportuar numrin më të madh të vdekjeve jashtë Kinës, ku virusi u shfaq në muajin dhjetor.
Dy javë pas zbulimit të rastit të parë me koronavirus në Itali, epidemia Covid-19 po vazhdon, duke prekur të gjitha rajonet e vendit dhe veçanërisht ato të veriut, Lombardinë, Emilia Romagna dhe Veneton.
Drejtori i Përgjithshëm i OBSH-së, Tedros Adhanom Ghebreyesus e konsideroi përhapjen e virusit “thellësisht shqetësuese”, ndërsa u bëri thirrje të gjitha vendeve që kontrollin shëndetësor ta shndërrojnë në “përparësinë e tyre më të lartë”.
Organizata Botërore e Shëndetësisë ka raportuar se rreth 100 mijë njerëz në të gjithë botën janë prekur nga virusi Covid-19, ndërsa më shumë se 3 mijë njerëz kanë vdekur, shumica e viktimave është shënuar në Kinë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
