Shkencëtarja kryesore e Organizatës Botërore të Shëndetësisë, Soumya Swaminathan tha në konferencën për mediat të premten se varianti i ri i koronavirusit Omicron është i transmetueshëm, por nuk ka nevojë për panik.
OBSH u ka kërkuar vendeve të rrisin kapacitetin e kujdesit shëndetësor dhe të vaksinojnë njerëzit e tyre për të luftuar një rritje të rasteve të COVID-19 nga varianti Omicron.
"Sa duhet të shqetësohemi? Ne duhet të jemi të përgatitur dhe të kujdesshëm, jo panik, sepse jemi në një situatë të ndryshme nga një vit më parë," tha Swaminathan në një intervistë në konferencën Reuters Next.
Ajo tha se bota ishte shumë më e përgatitur duke pasur parasysh zhvillimin e vaksinave që nga fillimi i pandemisë COVID-19.
Omicron është ende i panjohur që kur u zbulua për herë të parë në Afrikën Jugore muajin e kaluar. Vende të Evropës tashmë po përballeshin me një valë infeksionesh të variantit Delta përpara se të shfaqej varianti Omicron.
"Ne duhet të presim, le të shpresojmë se është më i butë ... por është shumë herët për të konkluduar për variantin në tërësi," tha Swaminathan për Omicron.
Shkencëtarja e OBSH-së tha se varianti Omicron dukej se po shkaktonte tre herë më shumë raste të reja sesa kishte përjetuar më parë në Afrikën e Jugut, që do të thotë "se është në gjendje të kapërcejë një pjesë të imunitetit natyror nga virusi i mëparshëm".
Vaksinat dukej se kishin ende efekt.
"Fakti që ata nuk po sëmuren... do të thotë se vaksinat ende po ofrojnë mbrojtje dhe ne shpresojmë që ato të vazhdojnë të ofrojnë mbrojtje," tha Swaminathan.
E pyetur për nevojën për përforcues vjetorë të vaksinave, ajo tha se "OBSH po përgatitet për të gjithë skenarët", të cilët mund të përfshijnë një dozë shtesë, veçanërisht në mesin e disa grupmoshave ose grupeve të cenueshme të popullsisë, ose një vaksinë të modifikuar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
