Të shumtë janë qytetarët, të cilët së bashku me fëmijët e tyre dhe me valixhe ndër duar, presin orën e fluturimit për destinacionin e zgjedhur.
Të pyetur nga MCN, disa prej tyre thonë se kanë marrë informacion për të qenë në aeroport, 3 orë përpara nisjes, e të tjerë shprehen se nuk kanë dijeni për orarin.
Me shqetësim, udhëtarët shohin kërkesën e autoriteteve aeroportuale për t’u pajisur me tampon, edhe pse janë vaksinuar me të dy dozat, në një nga vaksinat e njohura nga Agjencia Europiane e Barnave dhe Organizata Botërore e Shëndetësisë.
Aeroporti Ndërkombëtar “Nënë Tereza” njoftoi të hënën, se për shkak të fluksit të lartë të pasagjerëve që udhëtojnë nga brenda dhe jashtë vendit, duhet të paraqiten 3 orë përpara udhëtimit, kohë e mjaftueshme, sipas autoriteve për të organizuar fluturimin për çdo udhëtar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
