Gazetari Arsen Rusta në një raportim për MCN Live bëri me dije vendimin e Gjykatës së Lartë, që ka lënë në fuqi dënimin me 11 vite burg për Kastriot Ismailajn.
Tashmë këtij të fundit nuk i mbetet tjetër rrugë ligjore, përveç Gjykatës Kushtetuese për shkelje të të drejtave, apo Gjykatës së Strasburgut.
"Gjykata e Lartë ka lënë në fuqi vendimin për dënimin me 11 vite burg ndaj ish-administratorit të kompanisë CEZ-DIA, Kastriot Ismailaj. Ai është një emër mjaft i njohur si për politikën, ashtu edhe për drejtësinë shqiptare, është përfolur për aferat me ish-kryeministrin, ish-Presidentin Meta dhe ish-ministrin e Energjetikës. Z.Kastriot Ismailaj ka kërkuar pafajësinë në Gjykatën e Lartë, është lënë në fuqi ky vendim dhe është rrezuar rekursi. Kastriot Ismailaj ka lënë qelitë e burgut më 7 shtator 20223 pasi ka shlyer plot 9 vite, ndërsa u dënua me 11 vite dhe 8 muaj. Një pjesë e parave të gjetura në llogaritë e CEZ-DIA dhe Ismailajt, u konfiskuan për llogari të shtetit. E vetmja rrugë ligjore që z.Ismailaj mund të ndjekë është t’i drejtohet Gjykatës Kushtetutese për shkelje të të drejtave, apo Strasburgut”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
