Për të dytin vit radhazi në qytetin e Lezhës u bënë bashkë 20 shefa të kuzhinës për një mision të veçantë dhe human në mbështetje të qendrës rezidenciale “Rozalba” e cila strehon vajzat e mitura që kanë mbetur jetime apo ato që janë pre e dhunës.
Mbështetja me të ardhura prej 10 mijë eurosh nga “Rotary Club of Lezha” do të shkojë për 22 vajzat e qendrës dhe për 300 familje në nevojë të cilat do të mbështeten me pako ushqimore për fetat e fundvitit.
Ftesës për të kontribuar iu përgjigjen dhjetëra qytetarë, përfaqësues institucionesh dhe të biznesit, ndërsa kjo iniciative synohet të kthehet në traditë të përvitshme në Lezhë.
Drejtuesja e "Rozalba"-s moter Alma Zogu thotë se këtë vit kjo qendër ka pritur edhe 8 raste të reja dhe falë mbështetjen përmes donacioneve po funksionon më së miri.
Qendra rezidenciale "Rozalba" ndodhet në fshatin Gjadër të Lezhës dhe është ngritur 9 vite më parë nga Kisha Katolike për ti ardhur në ndihmë vajzave të mitura pa kujdes prindëror.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
