Përgjime të tjera kanë dalë nga dosja “Habilaj” ku është i implikuar një nga bashkëpunëtorët më të ngushtë në trafikun e drogës të Moisi Habilajt.
Antonio Riela u arrestua bashkë me Moisiun gjatë operacionit “Rosa Dei Venti”. Ai ishte një nga blerësit e ngarkesave të drogës që grupi i drejtuar prej Moisi Habilajt trafikonte nga Shqipëria për në Itali.
Në një prej përgjimeve ambientale, duke u bazuar në fjalët që i kishte thënë një tjetër bashkëpunëtor italian (Angelo Busacca), Moisiu thotë për Antonio Rielën se ai është burrë i fjalës, por ka një problem: ngacmon femra në lagje.
Në bisedën me ‘dajën’, Moisi Habilaj e quan Rielën “ai me syze”.
Ishte data 16 dhjetor 2013, ora shënonte rreth 10: 45 dhe Moisi Habilaj ndodhej në bordin e “Fiat Bravos” me tragë “DG826NA” bashkë me Sabaudin Ccelajn.
Moisi: Nuk është një djalë i mirë ai, më tha
Sabi (Sabaudin Cenaj): Për kë?
Moisi: Për Antonion e Enzon
Sabi: Kush e tha..për kë e tha?
Mosi: për atë me syze
Sabi: Po jo
Moisi: Jo, kështu është korrekt, ka shumë para, ka shumë raporte pune..po nuk e duan në lagje më tha… ngacmon femra.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
