Në këtë derë që po ruhet nga policia në katin e katërt të një pallati 9-katësh në lagjen “Apolonia” në Fier u arrestua Nuredin Dumani. Policia ndodhet në vendngjarje sepse grupi hetimor do të kthehet për të marrë të tjera prova materiale.
Komshijtë tregojnë se mbrëmjen e djeshme kanë dëgjuar zhurma të forta në pallat, dhe nuk i njohin banorët që jetonin në pallatin e tyre.
Një nga komshijet e Dumanit për MCN TV shprehet:
Unë banoj në kat të tretë, ngjarja ka ndodhur në kat të katërt.
Policët i binin derës me mjete të forta, u tmerruam mbrëmë.
Nuk e njoh komshinjtë, trokita para pak ditësh mos më bëni zhurmë i thashë.
Kemi qenë pa gjumë deri në orën 2:00 të natës.
Mendohet se ky apartament prej muajsh ka shërbyer si bazë strehimi për Dumanin dhe bashkëpunëtorët e tij.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
