Zyrtarët amerikanë thonë se Presidenti Trump është bindur që të mos tërheqë ushtrinë nga Siria menjëherë, pavarësisht deklaratës së tij javën e kaluar se SHBA do të "dalin shumë shpejt nga Siria".
Këshilltarët thuhet se e kanë bindur atë se mund të rrezikojë një ringjallje nga grupi i Shtetit Islamik.
Shtëpia e Bardhë tha të mërkurën se misioni ushtarak amerikan në Siri po vinte në një "fund të shpejtë".
Por nuk ka njoftuar një afat kohor për tërheqjen e plotë të trupave.
Një deklaratë tha se grupi i Shtetit Islamik (IS) ishte pothuajse tërësisht i shkatërruar dhe se SHBA do të konsultojnë aleatët e saj lidhur me planet e ardhshme.
Një zyrtar i lartë i administratës tha për NBC News se presidenti kishte rënë dakord në një takim të martën për të mbajtur trupat në Siri për një periudhë të papërcaktuar , por "nuk ishte i kënaqur me të, për të thënë aspak".
SHBA ka rreth 2.000 persona në terren në Sirinë lindore duke mbështetur një aleancë të forcave kurde dhe atyre arabe të quajtur Forcat Demokratike të Sirisë (SDF).
Me ndihmën e sulmeve ajrore të koalicionit të udhëhequr nga SHBA, luftëtarët e SDF kanë kapur dhjetëra mijëra kilometra katrorë territori nga IS gjatë tre viteve të fundit.
Në një fjalim në Ohajo javën e shkuar, presidenti parashikoi se pjesët e fundit që kontrollohen nga ISIS në Siri do të rimerreshin "shpejt" nga koalicioni.
"Le të kujdesen për të tjerët tani. Shumë shpejt, shumë shpejt, po dalim", tha ai. "Ne do të kthehemi në vendin tonë, ku i përkasim."
Ai gjithashtu kishte njoftuar se kishte urdhëruar departamentin e shtetit të ngrinte më shumë se 200 milion dollarë fonde për përpjekjet e rimëkëmbjes në Siri të premtuara nga ish sekretari i shtetit i tij, Rex Tillerson.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
