Një ditë pas vdekjes së punonjësit të Ujësjellës Kanalizimeve në Shkodër, policia ka vënë në pranga përgjegjësin e ujërave të zeza në Ndërmarrjen e UK-së, Prekë Toma.
Policia gjithashtu ka nisur procedim penal në gjendje të lirë për inxhinierin e UK Shkodër Y.R dhe drejtuesin teknik të ndërmarrjes L. P.
Mëngjesin e së premtes,një punonjës i Ndërmarrjes së Ujesjellës-Kanalizime gjeti vdekjen dhe dy të tjerë u plagosën.
Viktimë mbeti 35 vjeçari Kleotos Çeliku, i cili bashkë me dy kolegët e tij Gjon Gjonin dhe Maliq Seljën po kryenin pastrimin e pusetave të ujrave të zeza në lagjen “Guerrile”, prane kolegjit turk “Hasan Riza Rasha”.
35 vjeçari ka hyre brenda pusetes në një thellësi prej 5 metrash dhe në pak minuta ka gjetur vdekjen si pasojë e asfiksimit.
Mungesa e oksigjenit, por edhe gazi metan brenda saj nuk i ka lejuar frymëmarrjen, duke bërë që të dalë i pajetë nga kjo pusetë.
Edhe pse në ndihmë i shkuan 58 vjeçari Gjoni dhe kolegu i tij 24 vjeçar Selja, çdo gje ka qënë e kotë, pasi edhe këta të fundit mbeten të lënduar nga aroma kundermuese dhe u dërguan në spitalin rajonal të Shkodres, ku ndodhen nën kujdesin e bluzave të bardha.
Viktima Çeliku qe humbi jeten nuk ka qene i paisur me bombul oksigjeni dhe as me kundragaz në momentin që po kryente pastrimin e pusetës, duke perbere keshtu nje shkelje te rende te kushteve teknike.
As dy kolegët e tjerë nuk ishin të pajisur me këto mjete, duke përbërë një shkelje të rëndë që prej vitesh eshte prezente tek punonjesit e Ndërmarrjes së Ujesjellës-Kanalizime, sektori i komunales.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
