Koreja e Veriut mund të kryejë testin më të fuqishëm të bombës me hidrogjen në Paqësor, gjë që mund të shihet si sfida më e madhe ndaj SHBA-ve. Kjo është hipoteza e hedhur nga ministri i Jashtëm koreanoverior, Ri Yong. Deklarata e tij erdhi pas konfirmimit të liderit komunist Kim Jong-un, i cili tha se po merr në konsideratë një përgjigje për presidentin amerikan, Donald Trump, dhe kërcënimet e tij për “shkatërrim total”.
“Kjo mund të jetë shpërthimi më i fuqishëm i një bombe me hidrogjen në Paqësor”, ka thënë kreu i diplomacisë koreanoveriore.
Ri shtoi se nuk është i qartë në lidhje me hapat që duhen ndërmarrë, pasi urdhra të tillë jepen vetëm nga lideri Kim Jong-un.
Që prej vitit 2006, Peniani ka kryer një sërë testesh nukleare. Ai më i fundit, i kryer më 3 shtator, rezultoi më i fuqishmi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
