Në ditët me erë, presidenti amerikan, Donald Trump, nuk e ndan kapelen me mbishkrimin “MAGA” (Make America Great Again), slogani i njohur i fushatës së tij presidenciale. Kapelja siguron që flokët të mos i lëvizin nga era para “syve” të dhjetëra kamerave që ia përcjellin pamjet gjithë botës. Por të premten e shkuar, ai nuk e ndoqi këtë strategji.
Ndërsa hipte në avionin presidencial “Air Force One”, era i ngriti flokët duke i zbuluar një zonë pa flokë në pjesën e pasme të kokës. Mesa duket, edhe Trump bën hilen e njohur të të gjithë meshkujve në moshë që u bien flokët: i zgjat ato në pjesën ku nuk kanë rënë, për të mbuluar me to pjesën tullace.
Mediat nuk mund të rrinin pa e analizuar këtë “zbulim” të radhës. New York Magazine shkruan se “Trump është i obsesionuar pas imazhit përtej çdo lloj konceptimi. Është i njëjti njeri që tallet me rivalët politikë pse janë shtatshkurtër”. Ndërsa “Washington Post” shkruan se Trump i zgjedh bashkëpunëtorët dhe ata që bëhen pjesë e administratës në bazë të karakteristikave fizike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
