Të tjera detaje dalin nga zbulimi i laboratorit ku bëhej përpunimi i kokainës në Fier. Operacioni është udhëhequr nga DEA amerikane, SPAK dhe autoritetet malazeze, ndërsa në pranga janë vënë 15 persona.
Përpunimi i lëndës narkotike bëhej në një shtëpi në fshatin Frakull, ndërsa droga mësohet se është futur nga Mali i Zi në drejtim të Shqipërisë. Nga kjo pikë kufitare kanë ardhur 400 kilogramë pleh kimik e përzier me kokainë. Për këtë është ngritur edhe laboratori që do të merrej me përpunimin e lëndës narkotike. Katër prej të arrestuarve janë vënë në pranga në Tiranë që janë: Bledar Matoshi, 33 vjeç; Kid Koshena, 28 vjeç; Klajdi Vrioni (Kodra), 32 vjeç dhe Redion Meshi, 22 vjeç.
Ata u kapën momentin teksa udhëtonin me një automjet tip “Range Rover”, ndërsa iu gjetën 2 pistoleta dhe krehëra me municion luftarak. Ndërkohë në shtëpinë e 22-vjeçarit Meshi u sekuestruan 2 kallashnikovë së bashku me sasinë e municionit luftarak. Gjatë gjithë kohësh, burimet nga grupi hetimor bëjnë të ditur se të rinjtë kanë dalë në përgjimet e kryera, ndërsa prej kohësh mbaheshin në vëzhgim. Ndërkohë në ambientet e laboratorit, policia ka sekuestruar armë, dy kallashnikovë, një shotgun dhe një çifte.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
