Trajneri i Dinamos, Nevil Dede, në emisionin “Skaneri i Botërorit” në MCN TV, foli për transferimin e Simon Simonit, tek Eintracht Frankfurt. Dede tha se kjo është një arritje e madhe për futbollin shqiptar.
Dikush më ka thënë pse flisja gjithmonë për Simonin dhe tani kuptohet arsyeja e kësaj.
Është një arritje e madhe për futbollin shqiptar, që nga Kategoria e Parë të kalojë në Bundesligë. Jam i kënaqur për arritjen e klubit. Ishte një investim dhe u konkretizua. Nuk është e lehtë, që për moshën që ka, të kalojë atje. Është oksigjeni për klubet shqiptare.
Dede, foli edhe për kualifikimin e Argjentinës në finalen e Botërorit, duke thënë se Messi tregoi edhe njëherë se e ka marrë për dore ekipin.
Duhet të marrim parasysh në fakt, futbolli po evoluon. Po rezulton që pragmatizmi është bërë shumë i madh. Të gjitha skuadrat që fitojnë, kanë pak zotërim topin. U habita me strategjinë e Kroacisë. E sulmuan Argjentinën dhe ata i pritën. Që në rreshtimin e parë të gabuar marrin penallti, te i dyti morën gol. Elementët më të bukur të kësaj Kroacia, ishin portieri dhe mesfushori. Një Argjentinë shumë cinike. Messi te goli i tretë, tregoi se e ka marrë për dore skuadrën dhe ekipi ka varësi nga Messi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
