Kërcënimi terrorist për Francën mbetet i lartë. Kështu shprehet kryeprokurori i Parisit, Francois Molins. Ai thotë se kërcënimi nuk vej më si dikur nga jashtë kufijve, por ka hedhur rrënjë në në vend, çka e bën shumë më të vështirë luftën kundër tij.
“Ky ndryshim vjen si pasojë e shkatërrimit të kalifatit, për shkak të situatës ushtarake në Irak dhe Siri”, i tha Molins RTL-së. “Kjo është arsyeja pse ISIS-i u thotë luftëtarëve të tij: Mos ejani te ne, rrini në shtëpi dhe kryeni akte terroriste në vendet tuaja”, tha ai.
Molins thotë se gjithnjë e më pak xhihadistë francezë përpiqen të shkojnë në Irak dhe Siri. Sipas tij, tashmë është më e vështirë për forcat e rendit dhe agjencitë e inteligjencës të zbulojnë elementë të tillë, që janë “jashtë radarit”.
Frika e sulmeve terroriste në Francë vijon që prej vitit 2015, kur disa të tilla shkaktuan qindra viktima. Më i rëndi ishte sulmi i 13 nëntorit 2015, kur 10 persona u vranë në disa aksione terroriste të kordinuara në Paris.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
