Me 12 vota pro, 3 kundër dhe 1 abstenim Komisioni i Ligjeve miratoi sot rikthimin e basteve sportive vetëm online.
Miratimi në komision u bë vetëm me votat e mazhorancës, ndërsa kundër votoi opozita.
Tashmë mbetet vetëm miratimi i projektligjit në Kuvend.
Zv. Ministrja e Ekonomisë dhe Financave, Vasilika Vjero, në fjalën e mbajtur gjatë dy mbledhjeve theksoi se ky projektligj është produkt i një pune të gjatë dhe ka kaluar në një proces të gjatë konsultimi.
Më 19 korrik, Këshilli i Ministrave miratoi dje ndryshimet në pr/ligjin për lojrat e fatit, ku u hapet rrugë basteve sportive Online. Sipas projektligjit, të drejtën për ta ushtruar këtë aktivitet e kanë jo më shumë se 10 operatorë. Sa i takon përzgjedhjes së subjekteve thuhet se ajo dtë bëhet nga Komisioni i Licencave.
Në draft thuhet se operatorët aplikues duhet ta kenë selinë brenda territorit të vendit, të jenë të regjistruar në QKB, në objektin e veprimtarisë për lojëra fati në kategorinë “Baste sportive on-line”. Shuma e kapitalit duhet të jetë jo më pak se 40 000 000 lekë, vlerë e cila nuk mund të jetë më e ulët për të tërë periudhën e vlefshmërisë së licencës.
Pagesat nuk do të bëhen në dorë, por përmes "agjentit financiar", nëpërmjet Postës së Shqipërisë dhe bankave të nivelit të dytë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
