Ish-kryeministri Berisha akzuoi sot kreun e maxhorancës, Edi Rama, për banditizëm në udhëheqjen e vendit, por edhe në marrëdhëniet me fqinjët. Në seancën e Kuvendit, Berisha tha se Rama ka shpeshtuar vizitat në Beograd dhe ka ftohur marrëdhëniet me Kosovën.
“I vetmi politikan i akuzuar nga biznesmenë se u ka kërkuar miliona. Tani është e regjistruar se ka kërkuar shumë miliona. Shifrën do ta merrni vesh. Është regjistruar duke kërkuar miliona. Ai është bandit. Në mënyrë tipike si i tillë ka krijuar sot problemet më të mëdha me fqinjët dhe vëllezërit tanë. I ka krijuar me sjelljet e tij prej banditi. Merrni dy gjëra. Ka një paralelizëm si kurrë ndonjëherë mes vizitave të Tiranës në Beograd më të shpeshta se të vitit 1946-1947. Marrëdhëniet me udhëheqjen e Kosovës janë të nivelit të Enver Hoxhës. Të tilla janë marrëdhëniet me fqinjët e jugut, me Maqedoninë etj”, tha ai.
Berisha tha se Ministria e Drejtësisë është kthyer në “varrmihëse të ministrave”, pasi sipas tij Rama nuk pranon t’i nënshtrohet ligjit.
“Ministria e Drejtësisë është bërë varrmihëse e ministrave. Nuk kam keqardhe për LSI-në këtu. Vasil, atje do të përfundosh edhe ti. Të gjitha oponencat që ministrit të Drejtësisë ua dikton detyra, i çon drejt “prerjes së kokës”. Pse Ministria e Drejtësisë bëhet varrëmihëse? Sepse kreu i bandave nuk mund të pranojë ligjin. Lidhjet e Ramës me Shullazin shkuan deri në atë shkallë sa ia rrëmbeu edhe ministrit Saje Qorri mikun e vet. E përvetësoi për vete. Rama është kreu i bandave. Firmosjet në hipoteka me revole te koka i kam raportuar unë në Kuvend. Rama i dinte shumë më parë”, tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
