Parakalimi i gabuar i fugonit të një agjencie turistike, dyshohet të jetë bërë shkak i aksidentit me pasojë vdekjen një ditë më parë në aksin rrugor Lezhë-Milot, pranë mbikalimit të Ishull-Lezhës.
Në këtë konkluzion ka dalë policia, pas veprimeve paraprake hetimore të kryera në vendin e ngjarjes.
Në lidhje me aksidentin blutë arrestuan drejtuesin e fugonit Mark Macaj për veprën penale “Shkelja e rregullave të qarkullimit rrugor”, ndërsa pritet rezultati i aktit të ekspertimit i cili do të përcaktojë dhe shkaqet dhe rrethanat e këtij aksidenti, nga i cili humbi jetën 56-vjeçari Pavlin Ndoj.
Ky i fundit po lëvizte me motoçikletë përgjatë aksit Lezhë-Milot, kur u përplas nga fugoni.
Goditja ishte e fortë, duke i shkaktuar dëmtime të shumta 56-vjeçarit i cili gjeti vdekjen gjatë transportit për në Spitalin Rajonal të Lezhës.
Ky ishte aksidenti i parë që ndodh për vitin 2025 në rrugët që përshkojnë qarkun e Lezhës, ndërsa superstrada Lezhë-Laç është një prej akseve më problematike sa i përket aksidenteve rrugore, ku përgjatë viteve numërohen dhjetëra të tillë, me viktima dhe të plagosur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
