Ndryshimi klimatik po shkatërron brigjet e Arktikut

Ndryshimet klimatike po shkatërrojnë brigjet e Arktikut, të cilat janë gjithnjë e më të prirura ndaj erozionit. Kjo ndodh sepse shkrirja e permafrostit dhe shkrirja e akullit të tokës për shkak të ngrohjes globale lënë çarje të thella në tokë, të cilat rrisin cenueshmërinë e zonës bregdetare ndaj veprimit të valëve të oqeanit, por jo vetëm.

Përveç rrezikimit të infrastrukturave të rëndësishme dhe kërcënimit të sigurisë së popullatës lokale, këto procese të shkrirjes çojnë në çlirimin e karbonit dhe gazeve serrë të depozituara në tokë, të cilat mund të ndryshojnë ekuilibrin e Arktikut si dhe të shkaktojnë një rritje të mëtejshme të ndryshimeve.

Deri më tani, parametra të tillë si madhësia dhe shpejtësia e këtyre ndryshimeve nuk ishin përcaktuar kurrë, por një studim i ri nga Universiteti i Hamburgut ka bërë të mundur vlerësimin e cenueshmërisë së të gjithë Arktikut sipas niveleve të ndryshme të emetimeve të parashikuara për shekullin e 21-të.  

Nëse emetimet e gazrave serrë mbeten të pakontrolluara ose vazhdojnë të rriten, shkalla e erozionit mund të dyfishohet deri në vitin 2100, që do të nënkuptonte humbje deri në tre metra në vit.

Nga ana tjetër, rezultatet e analizës, të publikuara në revistën Nature Climate Change, tregojnë gjithashtu se "një zhvendosje drejt qëndrueshmërisë më të madhe dhe emetimeve dukshëm më të ulëta të gazeve serrë mund të ngadalësojë përshpejtimin në gjysmën e dytë të shekullit - shtoi Nielsen - Megjithatë, nuk do të jetë e mundur të ndalohet plotësisht humbja e masës së tokës”.